Karanka "Nottingem Forest"dən ayrıldı

İspaniyalı məşqçi Aytor Karanka İngiltərənin "Nottinqem Forest" klubundan ayrılıb.

Olimpiya.az-ın Çempionşip təmsilçisinin rəsmi saytına istinadən yaydığı xəbərə görə, 45 yaşlı mütəxəssis özü istefa verib. Klub rəhbərliyi isə artıq onun 2020-ci ilin yayına qədər olan müqaviləsini ləğv edib. Karanka komandanın uğursuz çıxışlarına görə bu addımı atdığını bildirib.

Qeyd edək ki, Karanka 2018-ci ilin yanvarından "Nottinqem Forest"i çalışdırırdı. Komanda hazırda 7-ci pillədə qərarlaşıb.