AZ | EN | RU


Futbol >>
"Slaviya”nın əsas komandasında oynamağa tam hazıram" - Fərid Nəbiyev
24 aprel 2019   11:38

2017-ci ildən Çexiyanın “Slaviya” klubunun formasını geyinən Fərid Nəbiyev bu mövsüm stabil uğurlu çıxışı ilə diqqət çəkir. Praqa təmsilçisinin gənclər komandasında oyunlara çıxan hücumçu hazırda oynadığı liqanın bombardiridi. Nəbiyevlə əlaqə saxlayıb bu mövsümkü performansı, gələcək planları barədə söhbətləşdik...
 
- Fərid, necəsən, “Slaviya”da işlərin necə gedir?

- Yaxşı gedir, təşəkkür edirəm. Hər şey qaydasındadı. Burdakı mühitə uyğunlaşmışam. Artıq 2 ildi burdayam. Hər şeyə tam öyrəşmişəm.
 
- 17 qolla Gənclər Liqasının bombardirisən. Öz çıxışın haqda nə deyə bilərsən?

- Builki oyunumu yaxşı dəyərləndirərdim, bundan daha yaxşı ola bilər.  17 qol vurmuşam, qarşıda isə daha 5 oyun var. Ümid edirəm ki, qalan turlarda qollarımın davamı gələr.
 
- Öz performansın yüksək olsa da, xüsusilə birinci mərhələdə komandanın nəticələri o qədər də yaxşı deyildi. Komanda şəklində daha uğurlu çıxış edə bilməməyinizin səbəbini nədə görürsən?

- Mən bu qədər qol vurmuşamsa, əlbəttə, bunu tək etməmişəm. Burda komanda yoldaşlarımın da payı çoxdu. Düzdü, birinci mərhələdə işlərimiz o qədər də yaxşı getmədi. Amma indiki durumumuz yaxşıdı. Düşünürəm ki, qalan oyunlarda uğurlu çıxışımızı davam etdirə bilərik.
 
- Gənclər komandasının liderisən, bu mövsüm bir oyunda da əsas komandanın iştirak ərizəsinə daxil edilmişdin. Azərbaycanlı futbol azarkeşlərinə maraqlıdı ki, Fərid nə vaxt əsas komandanın daimi üzvünə çevriləcək...

- Əlbəttə, bütün gənc futbolçular istəyir ki, klubunun əsas komandasına dəvət alsın, orda oynasın. Mənim də məqsədim budu. Ancaq bunun üçün aşağı yaş komandalarında uğurlu çıxış etməlisən. Çalışıram ki, burda uğurlu oynayıb, diqqət çəkim və əsas komandaya yüksəlim. Ümid edirəm, yaxın vaxtlarda bu istəyimə çata biləcəm.
 
- Özünü əsas komandada oynamağa hazır hesab edirsən?

- Bəli. Tam hazıram və şansımı gözləyirəm.
 
- “Slaviya” Çexiya I Liqasında indiki halda liderdi. Əgər əsas komandaya yüksəlsən, ciddi rəqabətlə üzləşəcəksən. Bundan çəkinmirsən?

- Buna 100 faiz hazıram. Tək “Slaviya” yox, hər yerdə rəqabət var. Buna görə də öz üzərində daim işləmək və hazırlığı artırmaq lazımdı.
 
- Çexiya mətbuatından oxuduğumuz qədər klubun ən potensiallı gənclərindən sayılırsan. Səninlə bağlı gələcək planları barədə əsas komandanın baş məşqçisi ilə danışmaq imkanın olub?

- Xeyr. Baş məşqçi ilə bu barədə heç bir söhbətimiz olmayıb. Sadəcə, şansımı gözləyirəm.
 
- Çexiya və Azərbaycan futbolunu, yəni həm əsas çempionatı, həm öz oynadığın Gənclər Liqasını müqayisə etsən, hansı fərqləri qeyd edə bilərsən?

- Burda fiziki futbola daha çox üstünlük verilir, Azərbaycanda isə texniki tərəflər önəmlidi.  Çempionatın səviyyəsi çox yüksəkdi. Həm komandalar güclüdü, həm də azarkeş, futbol ab-havası baxımından ciddi fərq var. Bura gəldiyim ilk vaxtlarda fiziki durumum o qədər də yüksək deyildi. Ancaq yavaş-yavaş komandaya, ölkəyə, çempionata uyğunlaşdım. Məşqlərlə fiziki durumumu da qaydasına qoydum. İndi hər şey yaxşıdı.
 
- Azərbaycanlı futbolçular adətən ölkə xaricində çox tab gətirmirlər, ya darıxırlar, ya mühitə uyğunlaşa bilmədiklərindən və s. tez bir zamanda geri qayıdırlar. Artıq 2 ildi ölkə xaricindəsən. Səndə hansısa çətinlik yoxdu?

- Başqa futbolçular barədə heç nə deyə bilmərəm. Çünki hərənin öz məqsədi, istəyi, ideyası var. Mənim də məqsədim davamlı olaraq Avropada oynamaqdı. İstəyirəm, Azərbaycanı layiqincə təmsil edim. Əslində, burda darıxılacaq bir şey də yoxdu. Hər gün ailəmlə, yaxınlarımla danışıram. Yalnız bir fikrim var, o da yaxşı futbolçu olmaq.
 
- Bir çox futbolçu Çexiyadan daha güclü liqalara getmək üçün tramplin kimi istifadə edir. “Slaviya”nın əsas komandasına yüksəlmək məqsədi öz yerində, necə düşünürsən, Çexiyada olmaq sənə bu baxımdan da kömək ola bilərmi?

- Düzü, belə görmürəm. Sadəcə, hər şey özümdən asılıdı. Yaxşı oynayandan sonra güclü liqalardan da təklif alacam. Əlbəttə, məqsədim top-klublarda oynamaqdı. Ancaq bunun üçün əvvəlcə burda özümü göstərməliyəm.
 
- Qarşıdan U-21 millisinin seçmə mərhələ oyunları gəlir. Ölkə xaricində uğurlu çıxış edən gənc futbolçu kimi hamı səndən bu komandada lider olmağı gözləyir...

- Təbii ki, mən istəyərəm uğurlu oyunlarımı milli komandada davam etdirim. Kifayət qədər yaxşı heyətimiz, gözəl kollektivimiz var. İnanıram ki, seçmə mərhələdə ölkəmizi layiqincə təmsil edəcəyik.
 
- Son tsikldəki uğursuz nəticələrdən sonra bu dəfə komandanın real gücünü və rəqibləri nəzərə alsaq, qrupda neçənci olmaq mümkündü, səncə?

- Qrupda Fransa aşkar favoritdi. Biz isə 2-3-cü yerlər uğrunda mübarizə apara bilərik. Çünki güclü oyunçularımız, yaxşı kollektivimiz var.
 
- Azərbaycan çempionatını izləyirsən?

- Vaxt olduqca oyunlara baxmağa çalışıram.
 
- Yetirməsi olduğun “Qəbələ” son illərlə müqayisədə bir qədər uğursuz çıxış edir, medalsız qalmaq ehtimalı var. Sabiq komandanı nə dərəcədə izləyirsən, builiki oyunları barədə nə deyə bilərsən?

- “Qəbələ”nin bütün oyunlarına baxmamışam. Bəzi matçları izləmişəm. Onların oyunları haqda bir şey deyə bilmərəm. Yetirməsi olduğum klub kimi “Qəbələ”yə yalnız uğur arzulayıram.
 
- Çempionluğa kimi daha şanslı sayırsan, “Qarabağ”, yoxsa “Neftçi”?

- Məncə, “Qarabağ” daha şanslıdı. Düzdü, son turda “Neftçi”nin meydanında oynayacaqlar, ancaq 2 xallıq fərq yaradıblar və indi hər şey öz əllərindədir. (futbolpress.az)



Çap et | e-mail

     

2019-05-21  \"Neftçi\"nin legioneri milliyə çağırıldı

2019-05-21  \"Arsenal\"ın Bakıda çoxlu azarkeşlərinin olduğunu bilirəm\" - Unay Emeri

2019-05-21  UEFA-dan Mxitaryan açıqlaması

2019-05-21  \"Kubokdakı qələbə bir ay ərzindəki işin nəticəsi deyil\" - Fariz Nəcəfov

2019-05-21  Daha bir il \"Çelsi\"də

2019-05-21  İki ildən sonra La Liqaya qayıtdı

2019-05-21  Almaniyalı müdafiəçi \"Borussiya\"da

2019-05-21  Mxitaryandan açıqlama: \"Bakıya getməməyimlə bağlı çətin qərar verildi\"

2019-05-21  “Arsenal” Mxitaryanı Bakıya gətirməyəcəyini açıqladı

2019-05-21  Argentina millisinin üzvü \"Ayaks\"da - rəsmi

2019-05-21  \"Arsenal\"ın Avropa Liqası üçün mükafat fondu müəyyənləşib

2019-05-21  Bakı finalı üçün bilet satışının 4-cü mərhələsi başladı

2019-05-21  Premyer Liqa klubunda yeni baş məşqçi

2019-05-21  Eriksen ÇL finalından sonra \"Real\"a keçir

2019-05-21  \"Trazbonspor\"un futbolçusu seçim qarşısında: Azərbaycan, yoxsa Türkiyə millisi?

2019-05-21  \"Qəbələ\"dən ayrılan futbolçu Makedoniya klubu ilə anlaşdı

2019-05-21  AFFA kubokun finalçılarını cəzalandırdı

2019-05-21  \"Keşlə\"də yeni müqavilə

2019-05-21  \"Arsenal\" Mxitaryanla bağlı qərarını bu gün açıqlayacaq

2019-05-20  \"Fənərbaxça\"dan ardıcıl 3-cü qələbə

Bütün xəbərlər
 
21 may 2019
19:02  "Neftçi"nin legioneri milliyə çağırıldı
18:47  "Arsenal"ın Bakıda çoxlu azarkeşlərinin olduğunu bilirəm" - Unay Emeri
18:17  UEFA-dan Mxitaryan açıqlaması
17:42  "Kubokdakı qələbə bir ay ərzindəki işin nəticəsi deyil" - Fariz Nəcəfov
17:04  Daha bir il "Çelsi"də
16:37  İki ildən sonra La Liqaya qayıtdı
16:12  Almaniyalı müdafiəçi "Borussiya"da
15:55  Azərbaycanlı hakim Avropa kubokunda
15:41  Mxitaryandan açıqlama: "Bakıya getməməyimlə bağlı çətin qərar verildi"
15:25  “Arsenal” Mxitaryanı Bakıya gətirməyəcəyini açıqladı
15:08  Argentina millisinin üzvü "Ayaks"da - rəsmi
14:56  "Arsenal"ın Avropa Liqası üçün mükafat fondu müəyyənləşib
14:45  Bakı finalı üçün bilet satışının 4-cü mərhələsi başladı
14:32  Premyer Liqa klubunda yeni baş məşqçi
14:18  Eriksen ÇL finalından sonra "Real"a keçir
13:55  "Trazbonspor"un futbolçusu seçim qarşısında: Azərbaycan, yoxsa Türkiyə millisi?
13:39  "Qəbələ"dən ayrılan futbolçu Makedoniya klubu ilə anlaşdı
13:17  AFFA kubokun finalçılarını cəzalandırdı
12:45  "Keşlə"də yeni müqavilə
12:21  "Arsenal" Mxitaryanla bağlı qərarını bu gün açıqlayacaq
20 may 2019
23:18  "Fənərbaxça"dan ardıcıl 3-cü qələbə
19:25  "Arsenal" finaldan öncə yoldaşlıq oyunu keçirəcək
18:46  Belçika millisinin üzvü Bundesliqa klubunda
18:11  "Çelsi" Bakı finalından sonra futbolçusu ilə müqavilə yeniləyəcək
Bütün xəbərlər >>>


 TURİZM

Çində dünyada bənzəri olmayan otel tikilir



 MODA

2015-ci ilin rəngi

2013-cü ilin moda rəngi...
2013-cü ilin küçə modası...



 SAĞLAMLIQ

40 yaşından sonra gözəl görünməyin yolları




                                                                                                 

Ana səhifə | Olimpizm | Futbol | Güləş | Boks | Gimnastika | Voleybol | Şahmat | Cüdo | Atletika | Karate | Taekvondo | Digər növlər| e-mail

İdman Turizm Portalı © 2009-2010 Olimpiya.az. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.