AZ | EN | RU


Digər növlər >>
Tofiq Heydərov: "İslam Həmrəyliyi Oyunlarında qarşımıza 5 medal qazanmağı məqsəd qoymuşuq"
19 yanvar 2017   12:35

Azərbaycanda digər sahələrdə olduğu kimi, idmanda da inkişaf göz qabağındadır. Atletlərimiz irimiqyaslı yarışlarda ölkəmizi layiqincə təmsil edir, üçrəngli bayrağımızı dalğalandırırlar. İnkişafda olan idman növlərindən biri də ağır atletikadır. Azərbaycan Ağır Atletika Federasiyasının (AAAF) vitse-prezidenti Tofiq Heydərov ölkəmizdə idmanın bu növünün inkişafı və qarşıda duran vəzifələr barədə AZƏRTAC-a məxsusi müsahibə verib. Müsahibəni təqdim edirik.

- Azərbaycanda ağır atletikanın inkişafını necə qiymətləndirirsiniz?

- Bu gün ağır atletika Azərbaycanda kütləvi inkişaf dövrünü yaşayır. Bölgələrdə AAAF-yə və klublara məxsus mərkəzlər fəaliyyət göstərir. Belə mərkəzlər dünyanın heç bir ölkəsində yoxdur. Biz zona və rayon yarışlarını məhz həmin mərkəzlərdə keçiririk. İdmanın bu növü üzrə kütləvilik yüksək səviyyədədir. Sovet dövrü və sonrakı vaxtlarda ölkə yarışlarında körpücük üzərinə çıxan idmançıların sayı 150-ni ötmürdü. Hazırda yarışlara 700-dən artıq idmançı qatılır. Xüsusən də yeniyetmələr arasında nəticələrimiz daha yüksəkdir. Hər il bu yaş kateqoriyasında yeni idmançılarımız parlayır, qitə və dünya, beynəlxalq turnirlərdə ölkəmizi layiqincə təmsil edirlər. Sevindirici haldır ki, həmin idmançılar bölgələri təmsil edirlər.

Azərbaycanın müstəqilliyinin bərpasından sonra ağır atletikanın inkişafı bütün bölgələrdə sürətlə müşahidə olunmağa başladı. Hətta elə bölgələrimiz var ki, burada idmanın bu növü ilə ümumiyyətlə məşğul olmamışdılar. Buna misal olaraq, Lerik və Samux rayonlarını göstərmək olar. Hazırda həmin bölgələrin yetirmələri ölkə çempionatında inamlı çıxış edib, mükafatçılar sırasında yer alırlar. İndi Astarada böyük təlim-məşq bazası var. Həmçinin 60-a yaxın məşqçimiz fəaliyyət göstərir.

- Milli komandamıza legionerlərin dəvət olunması nəzərdə tutulubmu?

- Müstəqilliyin bərpasından sonra idmançılarımızın nəticələri o qədər də ürəkaçan deyildi. Legionerlərə ehtiyacımız var idi. İdmançıları başqa ölkələrdən dəvət edirdik. Ancaq bu gün bizim idmançılarımız başqa ölkələrə gedirlər. Buna misal olaraq, Nicat Rəhimovu göstərmək olar. O, Qazaxıstan millisinin heyətində Olimpiya çempionu oldu. Bir daha yeniyetmə idmançılarımızın uğurlu çıxışını vurğulamalıyam. Bir mütəxəssis kimi düşünürəm ki, bizim legioner idmançılara ehtiyacımız yoxdur. Regionlarda mərkəzlər yaratmışıq ki, oradan çıxan atletlərə dəstək olaq və onların millinin heyətində çıxış etməsinə kömək göstərək. Bizim üçün yerli idmançının beynəlxalq yarışda beşinci yerə çıxması legionerin qızıl medal qazanmasından daha yaxşıdır. Hazırda 12 ölkədə klublarımız fəaliyyət göstərir. Həmin klubların idmançıları bizə müraciət edərək Azərbaycanı təmsil etmək istədiklərini bildirirlər. Ancaq biz bunu qəbul etmirik. Onlara klub daxilində lazımı şərait yaradırıq ki, ölkələrində klubumuzu təmsil etsinlər. Ancaq legioner idmançılarımız da var. Onlar demək olar ki, artıq azərbaycanlılaşıblar. Neçə illərdir ki, ölkəmizdə yaşayırlar. Biz onların da qüvvəsində istifadə edəcəyik. Hətta legioner məşqçilərin belə gətirilməsini düşünmürük. Yeganə çatışmazlığımız qadınlardan ibarət yığmamızdadır. Biz yalnız buna görə xarici mütəxəssislərə müraciət etmişik.

- Ağır atletika idmanında dopinqdən istifadə hallarının qarşısı alınması istiqamətində Azərbaycanda hansı addımlar atılır?

- Dopinq problemi təkcə Azərbaycanda deyil. Bu problemlər bütün dünyada var. Ölkəmizdə dopinqə qarşı mübarizə həmişə diqqət mərkəzindədir. İdmanla məşğul olanlara həmişə belə preparatlar təklif olunur. Ancaq biz buna qarşıyıq. Çox vaxt deyirlər ki, bunun sayəsində medalsız qalacaqsınız. Fikir verin, 8 il əvvəl Olimpiya Oyunlarında çıxış etmiş idmançımızın analizindən nələrsə aşkarlanır. Səkkiz ildir həmin idmançıların qanı depolarda saxlanılır. Həmin vaxtla indiki texnologiyalar fərqlidir. İndi istifadəsinə icazə verilən dərmanların gələcəkdə necə olacağı bilinmir. Biz məşqçi və idmançılarla müqavilə bağlamışıq. Əgər hər hansı idmançı belə bir halla qarşılaşsa onu böyük cəza gözləyir. Həmçinin yeni yaradılan Azərbaycan Anti-dopinq Agentliyinin də fəaliyyətindən yararlanacağıq. Ağır atletikada dopinqsiz də uğura qazanmaq mümkündür. Bunun üçün idmançılar öz üzərində çox çalışmalıdırlar. Biz uğur qazanmaq istəyiriksə, ən güclü yeniyetmə idmançıları seçməliyik. Bilirsiniz ki, federasiyanın nəzdində “Zirvə” liseyi fəaliyyət göstərir. Hər il biz bölgələrdən yeniyetmələri liseyə cəlb edirik. Hazırda liseydə üç sinif fəaliyyət göstərir.

- Ağır atletlərimizin qarşıdakı yarışlara hazırlığı barədə nə deyə bilərsiniz?

- Ötən ilin sonunda ölkə kuboku yarışı təşkil olunub. Bununla milli komandanın heyəti formalaşdırılıb. Qarşıda duran əsas məqsəd İV İslam Həmrəyliyi Oyunlarında və yeniyetmələr arasında Yay Olimpiya Oyunlarında uğurla çıxış etməkdir. Apreldə Olimpiya Oyunlarına lisenziya xarakterli dünya çempionatı keçiriləcək. Biz yeniyetmələrdən ibarət komandanı bu yarışlara hazırlayırıq. Ötən təlim-məşq toplanışlarına yüzə yaxın idmançı cəlb olunmuşdu. Biz onların arasından öz gücü ilə medal qazana biləcək idmançıları seçdik. İslam Həmrəyliyi Oyunlarında ölkəmizi 15-18 yaşlı idmançılar təmsil edəcəklər. Biz Bakıda təşkil olunacaq yarışda 5 medal qazanmağı qarşıya məqsəd qoymuşuq.

- Tofiq müəllim, maraqlı müsahibəyə görə sağ olun.

- Təşəkkür edirəm, sağ olun.



Çap et | e-mail

     

2017-06-23  Azərbaycan birinciliyi başa çatdı

2017-06-23  Bakıda Formula 1 zamanı evlilik təklifi - FOTO

2017-06-23  Formula 1 pilotları sərbəst yürüş zamanı yolu səhv saldılar

2017-06-23  Bu gün \"Formula-1\" üzrə Azərbaycan Qran-prisi start götürəcək

2017-06-22  Millimizin beynəlxalq turnir üçün heyəti açıqlandı

2017-06-22  Formula 1 pilotları klassik avtomobillərlə yürüş ediblər

2017-06-20  İdmançımız Yaponiyada çempion oldu

2017-06-20  Formula 1 üzrə Azərbaycan Qran Prisinin vaxtı dəyişdirilib

2017-06-20  ABŞ-da ayı 16 yaşlı marafon iştirakçısını parçalayıb

2017-06-19  Aslan Kərimov turnirin ən yaxşı oyunçusu seçildi, Bəxtiyar Soltanov qızıl medal qazandı...

2017-06-15  \"Nəbi\"nin keçdiyi yol və qəhrəmanların dedikləri - VİDEO

2017-06-13  \"Formula 1\" ilə bağlı tədbirlər planı hazırlanır

2017-06-12  Ruslan Lunyov Dünya Kubokunda iştirakdan imtina etdi

2017-06-12  Formula 1 üzrə Monako Qran Prisinin qalibi müəyyənləşdi

2017-06-09  Ruslan Lunyovun \"uğurlu\" çıxışı davam edir

2017-06-07  Qubalı pəhləvanlar amerikalıları heyrətə gətirdi - VİDEO

2017-06-01  Millimiz mövqeyini dəyişmədi

2017-06-01  Bakı sakinləri olimpiya çempionunu tanıyırmı? - VİDEOSORĞU

2017-05-30  Məğlub olduqları üçün oğlanlarını döyən ana - VİDEO

2017-05-30  Velosipedçilərimizdən növbəti reytinq xalları

Bütün xəbərlər
 
23 iyun 2017
17:00  Azərbaycan birinciliyi başa çatdı
16:29  Bakıda Formula 1 zamanı evlilik təklifi - FOTO
16:12  İOC prezidenti Beynəlxalq Olimpiya günü münasibətilə Azərbaycana ismarıc göndərib
16:04  Əliyar Ağayev Çempionlar Liqasının matçını idarə edəcək
15:50  "Qarabağ" - ÇSKA matçının başalama vaxtı açıqlandı
15:28  "Zirə" - "Differdanj" matçının hakimləri bəlli oldu
14:17  Formula 1 pilotları sərbəst yürüş zamanı yolu səhv saldılar
12:34  36 qat Argentina çempionunun 7 futbolçusunda dopinq tapılıb
12:20  "Qarabağ" məşq etdi, Almeyda izlədi - VİDEO
12:08  Avropa çempionatında çıxış edəcək Azərbaycan yığmasının heyəti açıqlanıb
11:37  "Qəbələ"nin məğlubiyyəti - VİDEO
11:14  Azərbaycan Qran-Prisi: Trasda dəyişikliklər və DRS zonaları
10:56  Muarem Muaremin yeni klubu məlum oldu
10:02  "Bursaspor"un yeni baş məşqçisinin adına aydınlıq gəldi
09:40  "Qəbələ" "Ludoqorets"ə məğlub olub
09:23  Çində əcnəbi futbolçu transfer qaydası sərtləşdirildi
09:15  Bu gün "Formula-1" üzrə Azərbaycan Qran-prisi start götürəcək
09:11  "Qalatasaray" braziliyalı futbolçu transfer etdi
22 iyun 2017
17:37  Millimizin beynəlxalq turnir üçün heyəti açıqlandı
17:08  Türkiyə Superliqasında yeni baş məşqçi
17:00  Aleksandr Səmədov: "Mənim Qafqazdan olduğumu hardan çıxardınız?"
16:46  "Yuventus" 21 yaşlı hücumçu transfer etdi
16:31  Ulduz futbolçu bu epizoda görə 8 oyun cəzalandı - VİDEO
16:24  Formula 1 pilotları klassik avtomobillərlə yürüş ediblər
Bütün xəbərlər >>>


 TURİZM

Çində dünyada bənzəri olmayan otel tikilir



 MODA

2015-ci ilin rəngi

2013-cü ilin moda rəngi...
2013-cü ilin küçə modası...



 SAĞLAMLIQ

40 yaşından sonra gözəl görünməyin yolları




                                                                                                 

Ana səhifə | Olimpizm | Futbol | Güləş | Boks | Gimnastika | Voleybol | Şahmat | Cüdo | Atletika | Karate | Taekvondo | Digər növlər| e-mail

İdman Turizm Portalı © 2009-2010 Olimpiya.az. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.