AZ | EN | RU


Futbol >>
"Neftçi"nin ən böyük azarkeş klubunun rəhbəri: "Ruslan Abışovun transferinə qarşıyıq"
12 yanvar 2017   13:28

“Ruslan Abışovun transferinə qarşıyıq. Onu yenidən “Neftçi”nin formasında görmək istəmirik”. Bunu  “Forza Neftçi” fan-klubunun rəhbəri Sübhan Əliyev deyib.
 
Azərbaycan millisinin üzvü Ruslan Abışovun “İnter”dən “Neftçi”yə keçməsi birmənalı qarşılanmayıb. Xüsusən də, “Forza Neftçi” fan-klubu bu keçidi qətiyyətlə pisləyir.
 
Məsələ ilə bağlı danışan Sübhan Əliyev 29 yaşlı oyunçunu heç vaxt qəbul etməyəcəklərini vurğulayıb: “Ruslan Abışov 2012-ci ildə “Xəzər Lənkəran”ın 1,2 milyon dollarlıq təklifini qəbul edib qaçdı. “Neftçi”ni sevsəydi, döyüş vaxtı atıb getməzdi. O, Messi də olsa, “Neftçi”yə qayıtmasını istəmirik. Necə ki, Araz Abdullayev o vaxt azarkeşi söydüyü üçün bağışlanmadısa, Abışovu da “Xəzər Lənkəran”a keçməsinə görə bağışlamırıq. “Neftçi”də oynasa da, azarkeş tərəfindən sevilməyəcək. Bizim üçün onun varlığı ilə yoxluğu bilinməyəcək. Bizi pis gündə dəyişib əzəli rəqibə keçən oyunçu ilə barışa bilmərik”.
 
Fan-klub rəhbəri Ruslan Abışovu sadiq olmamaqda günahlandırıb. Onun fikrincə, təcrübəli oyunçu indi də “İnter”i pis vəziyyətdə qoyub: “Neftçi”də Zaur Tağızadə, İqor Getman olub, vaxtilə Anatoli Banişevski kimi futbolçu çıxış edib. Sadiqliyi onlar göstəriblər. Bunu 20 illik tribuna təcrübəmə əsasən deyirəm. Yaxşı yadımdadı, Zaur Tağızadəyə “Xəzər Lənkəran” böyük pullar təklif elədi, amma o, getmədi. “Xəzər Lənkəran” da başa düşdü ki, əzəli rəqibdi, arada prinsipiallıq var. Flavinyo da “Neftçi”də 300 minə oynayırdı. Ruslan Abışov, sadiq idinsə, elə onda qalardın da. Belə olsaydı, indi kapitan kimi komandanı meydana çıxarırdın. İndi də “İnter”ə zərbə vuraraq gəlirsən. “İnter”in transfer qadağası var. Sadiq oyunçu belə vəziyyətdə komandasını atmaz. Sən “Qəbələ”də də, “İnter”də də qol vuranda formanın üzərindəki gerbi öpmüsən. Yəqin ki, indi yaxşı pul müqabilində gəlir”.
 
Sübhan Əliyev “Neftçi”nin yeni transferinə qarşı oyunlar zamanı hansı addımı atacaqlarına hələ qərar vermədiklərini söyləyib: “Biz bu gün “Neftçi”də Mirhüseyn Seyidovu görmək istərdik. Onun oyununu, sadiqliyini görmüşük, öz yetirməmizdi. Türkiyədə Gökhan Gönül pula görə “Fənərbaxça”nı “Beşiktaş”a dəyişdi. Amma fanatlar onu bağışlamadılar, Kadıköydəki görüşdə başına oyun açdılar. Biz azad qrupuq, başqaları kimi, klubdan maliyyələşmirik. Qərarları özümüz veririk. Bu gün də Ruslan Abışovun transferinə qarşıyıq”.
 
“Forza Neftçi” fan-klubu uğursuz çıxışa görə, mövsümün ilk iki dövrəsində komandanın əksər oyunlarını boykot edir, oyunlarına gəlmirdi. Əliyev ikinci yarıdan etibarən kluba dəstəklərini əsirgəməyəcəklərini deyib: “İki il gözlədik və sonra başa düşdük ki, bizi aldadırlar, komandanı məhv etmək üçün gəliblər. Bu səbəbdən oyunları boykot etməyi qərara aldıq. Baş məşqçi Elxan Abdullayev isə gələndən deyirdi ki, mənə yanvara qədər vaxt verin. Üçüncü dövrədən komandaya necə lazımdısa dəstək olacağıq. İnanırıq ki, o da verdiyi sözə əməl edəcək. İnşallah, biz də başqa “Neftçi” görərik, əvvəlki əzəmətini qaytaran, çempionluğa oynayan komanda izləyərik”.
 
Qış fasiləsində baş tutan transferlərə də münasibət bildirən Əliyev “Neftçi” rəhbərliyinin bu siyasətindən tam razı qalmadıqlarını vurğulayıb: “Qış transferlərinin 3-4-ündən razıyıq. Məsələn, Namiq Ələsgərov, Georgi Navalovski, Zdenek Folprext və İqnasio Erreranın keçidindən razıyıq. Amma yerli oyunçular daha çox almaq lazımdı. Ortada limit söhbəti var. Axı kimləri oynadacaqsan? Bizə maraqlı gələn odu ki, bu gün yerli futbolçular “Neftçi”yə gəlmək istəmirlər. Bilmirik, rəhbərliyə görə gəlmirlər, yoxsa başqa səbəbdən. Nədənsə, güclü yerlilər burdan boyun qaçırırlar. Təki gələnlər yaxşı olsun və əvvəlki “Neftçi”ni izləyək”.

apasport



Çap et | e-mail

     

2017-01-24  Hakimlərimizin Antalyadakı son oyunları

2017-01-24  \"Şəmkir\"dən mesaj - \"Hədəfimiz Premyer Liqadır!\" - VİDEO

2017-01-24  Millimizin üzvü Türkiyə klubundan qovuldu

2017-01-24  AZAL Qulliti transfer etdi

2017-01-24  Premyer Liqada ilin ilk oyunlarının vaxtı açıqlandı

2017-01-24  \"Qəbələ\" son sınağına çıxır

2017-01-24  Beyldən \"Real\" azarkeşlərinə şad xəbər

2017-01-24  Maşallah Əhmədov son sözdən imtina etdi

2017-01-24  Hansı oyun, hansı kanalda? - TV AFİŞA

2017-01-24  \"Səbail\" Almaniya klubu ilə sülhə razılaşdı

2017-01-24  Aleksandr Səmədov millimizdən imtinasının səbəbini açıqladı

2017-01-24  Seneqal və Tunis Afrika Kubokunun 1/4 finalına vəsiqə qazanıb

2017-01-24  \"Beşiktaş\" liderliyi ələ keçirdi

2017-01-24  Dortmund klubunda yeni müqavilə

2017-01-23  Mustafa Dənizli Azərbaycan millisinin futbolçularının baş məşqçisi olacaq?

2017-01-23  Dünya çempionatının püşkatma mərasimi Kremldə

2017-01-23  Ən çox kobudluq Neymara qarşı edilir

2017-01-23  \"Roma\" 87 illik rekordunu təkrarladı

2017-01-23  Daha bir futbolçu \"Mançester Yunayted\"i tərk edir

2017-01-23  La Liqada ən çox kobudluq hansı futbolçuya edilir?

Bütün xəbərlər
 
Bu gün
15:26  Hakimlərimizin Antalyadakı son oyunları
14:52  U-13 kiçik yaşlı yeniyetmələr arasında cüdo üzrə Bakı birinciliyinə start verilib
14:48  "Şəmkir"dən mesaj - "Hədəfimiz Premyer Liqadır!" - VİDEO
12:36  Millimizin üzvü Türkiyə klubundan qovuldu
12:00  AZAL Qulliti transfer etdi
11:57  Milli komandamızın üzvü Türkiyə Superliqasında debüt etdi
11:54  Premyer Liqada ilin ilk oyunlarının vaxtı açıqlandı
11:38  "Qəbələ" son sınağına çıxır
11:23  Beyldən "Real" azarkeşlərinə şad xəbər
11:09  Maşallah Əhmədov son sözdən imtina etdi
10:41  Hansı oyun, hansı kanalda? - TV AFİŞA
10:36  "Səbail" Almaniya klubu ilə sülhə razılaşdı
10:27  Aleksandr Səmədov millimizdən imtinasının səbəbini açıqladı
10:04  Seneqal və Tunis Afrika Kubokunun 1/4 finalına vəsiqə qazanıb
09:29  Formula 1-in rəhbəri dəyişdi
09:28  "Beşiktaş" liderliyi ələ keçirdi
09:16  Dortmund klubunda yeni müqavilə
23 yanvar 2017
16:21  Mustafa Dənizli Azərbaycan millisinin futbolçularının baş məşqçisi olacaq?
15:41  Dünya çempionatının püşkatma mərasimi Kremldə
15:23  Ən çox kobudluq Neymara qarşı edilir
15:21  "Roma" 87 illik rekordunu təkrarladı
14:38  Daha bir futbolçu "Mançester Yunayted"i tərk edir
14:33  Formula 1-də Ekklstoun erası başa çatır?
13:52  Yeniyetmə cüdoçularımız yeni yarış və hakimlik qaydaları ilə məlumatlandırılıb - FOTOLAR
Bütün xəbərlər >>>


 TURİZM

Çində dünyada bənzəri olmayan otel tikilir



 MODA

2015-ci ilin rəngi

2013-cü ilin moda rəngi...
2013-cü ilin küçə modası...



 SAĞLAMLIQ

40 yaşından sonra gözəl görünməyin yolları




                                                                                                 

Ana səhifə | Olimpizm | Futbol | Güləş | Boks | Gimnastika | Voleybol | Şahmat | Cüdo | Atletika | Karate | Taekvondo | Digər növlər| e-mail

İdman Turizm Portalı © 2009-2010 Olimpiya.az. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.