AZ | EN | RU


Atletika >>
Beynəxalq və Azərbaycan Ağır Atletika Federasiyasının rəhbərləri AAAF parkda
03 oktyabr 2016   22:36

Beynəlxalq Ağır Atletika Federasiyasının (IWF) prezidenti Tomaş Ayan, Azərbaycan Ağır Atletika Federasiyasının prezidenti Cahangir Əsgərov və vitse-prezidenti Azər Əliyev AAAF Park Yaşayış Kompleksinin qonağı olublar. Onlar burada ağır atletlər üçün yaradılan yüksək səviyyəli şəraitlə tanış olmaq üçün ərazini gəziblər. Qonaqlar ilk olaraq Kompleksin park hissəsi ilə tanış olublar. Onlar buradakı yaşıllıq, təmizlik və səliqəni təqdir edib, istirahət üçün münasib yerlərin çoxluğunu fərqləndiriblər. AAAF Park Yaşayış Kompleksinin təsisçisi və Azərbaycanın ağır atletika yığmasının baş məşqçisi Tofiq Heydərov, həmçinin federasiyanın vitse-prezidenti Ruslan Xanverdiyev qonaqları müşayiət edərək ölkəmizdə idmana olan diqqət və qayğının nəticəsində belə imkanların yaradıldığını, atletlərin bu şansdan yararlana bildiyini qeyd ediblər. Daha sonra qonaqlar idman təmayüllü “Zirvə Liseyi”nə baş çəkiblər. Öncə ümummilli lider Heydər Əliyevin heykəli önünə çiçək qoyub, ona olan sayğı və hörmətlərini nümayiş etdiriblər. Liseydə müasir standartlara cavab verən kimya, fizika, biologiya laboratoriyaları, kompüter otaqları, hərbi və metodbirləşmə kabinetləri, gimnastika və cüdo, trenajor və ağırlıqqaldırma zalları, futbol meydançaları və tennis kortunun fəaliyyəti nümayiş etdirilib, bütün bunların gənc ağır atletlərin yüksək səviyyəli təhsil alması üçün edildiyi vurğulanıb. AAAF Parkda 50-yə yaxın perspektivli ağırlıqqaldıranın həm oxumaq, həm də məşq etmək üçün maksimum imkan yaradıldığı, onlara ən yüksək ixtisaslı müəllim və məşqçilərin dərs keçdikləri qeyd edilib. Tomaş Ayan gördüklərindən xeyli razı qalıb. O bildirib ki, buradakı ideal şəraitin Azərbaycanda gənc nəslin sağlam yetişməsində böyük rolu var və bu şansı əldə edən hər bir məktəbli üçün sevinir, onlara uğurlar arzulayır. Tomaş Ayan ölkəmizin dövlət səviyyəsində qayğısının başqalarına nümunə olduğunu, bunu hər dəfə bura səfəri zamanı əyani şəkildə şahidi olduğunu bildirib. Liseyin foyesində Heydər Əliyevin büstün önündə xatirə şəkli çəkdirəndən sonra IWF prezidenti böyük təəssüratlar əldə etdiyini, Azərbaycanın və onun idmanın gələcəyinin parlaq olduğunu deyib. Qonaqlar Uşaq-İdman Akademiyası, cüdo və gimnastika zallarının, Kompleksdəki digər idman və iaşə obyektlərinin fəaliyyəti ilə tanış olublar. Bütün müasir standartlara cavab verən, ən yeni avadanlıqlar təchiz olunmuş fitness mərkəzində idmançıların təlimlərlə məşğul olmaq imkanlarının yaradıldığı bildirilib. Ağır atletika yığmamızın məşq zalı isə xüsusi maraq doğurub. Burada hər bir atlet üçün fərdi ştanq, körpücük, fərdi məşqçi, üstəlik, özəl otaqlarda istirahət imkanlarının yaradılması müsbət mənada təəccübə səbəb olub, belə şəraitə dünyanın nadir yerlərində rast gəlindiyi vurğulanıb. Tamaş Ayan, Cahangir Əsgərov və Azər Əliyev məşqçi və idmançılarla görüşərək onlara uğurar arzulayıb, təmiz mübarizə şəraitində əldə etdikləri uğurlara sevindiklərini dilə gətiriblər. Zalın yerləşdiyi təlim-məşq bazasındakı taxta kotteclər və otellərin yalnız və yalnız idmançılar üçün ayrıldığı, onların məşqlərdən sonra tam bərpa prosesi keçməsi üçün bütün mümkün detalların nəzərə alındığı haqda məlumat verilib. Tofiq Heydərov AAAF Parkın bir Olimpiya çempionunun ən kiçik yaşdan yetişdirilməsi, zirvəyə yüksəldilməsi üçün lazım olan hər şeyə malik olduğunu deyib. Qonaqlara bildirilib ki, AAAF Park Yaşayış Kompleksi ağır atletlərin mənzil problemini də həll edir. Beynəlxalq yarışlarda medallar qazanan atletlərimizin hər birinə və onun məşqçisinə pul mükafatları ilə yanaşı ev verildiyi, bir müddətdən sonra elə burada işlə təmin olunduğu bildirilib. Qonaqlar bir daha gördüklərindən razılığını dilə gətirib, bu bənzərsiz məkanın Azərbaycan idmanı, xüsusilə də ağır atletikanın inkişafında müstəsna rol oynayacağına əminliklərini qeyd ediblər.



Çap et | e-mail

     

2017-01-13  Zairovun gümüş medal ümidləri boşa çıxdı

2017-01-04  Daha 200 rusiyalı atletin antidopinq qaydalarını pozduğu açıqlanıb

2016-12-27  Yüngül Atletika Federasiyasının prezidenti həbs olundu

2016-12-05  İdmançımız ağır atletika üzrə Avropa çempionatında bürünc medal qazandı

2016-12-05  Ərəb şeyxi Azərbaycan qızı ilə evləndi - Əl-Maktum + FOTOLAR

2016-12-03  2016-cı ilin ən yaxşı atletləri bəlli oldu

2016-11-26  Atletimizin Olimpiadadakı nəticəsi ləğv edildi

2016-11-23  İkiqat olimpiya çempionu qazandığı qızıl medallardan məhrum olub

2016-11-17  Güləşçimiz haqqında ŞOK qərar: Olimpiya medalı əlindən alınır

2016-11-14  \"Bolt \"Borussiya\"da məşq edəcək\"

2016-09-12  Gənc ağırlıqqaldıranımız Avropa üçüncüsü oldu

2016-09-10  Azərbaycanlı atlet Brüsseldə 5-ci oldu

2016-09-09  Avropa çempionatı üçün milli komandamızın heyəti açıqlanıb

2016-09-08  Azərbaycanlı atlet Xorvatiyada ikinci oldu

2016-09-07  Ağır atletlərimiz İordaniyada daha 1 qızıl, 1 gümüş medal qazandı

2016-08-24  Dünya çempionumuzda dopinq aşkarlandı

2016-07-29  Azərbaycanlı atlet Türkiyə rekordunu yenilədi

2016-07-28  Daha bir ağırlıqqaldıranımızda dopinq tapıldı

2016-07-23  Azərbaycan əsilli atlet Ramil Quliyevin olimpiadada yarışacağı növlər müəyyənləşib

2016-07-13  Azərbaycanı olimpiadada təmsil edəcək atlet zədələnib

Bütün xəbərlər
 
Bu gün
14:02  Həftənin ən gözəl qol ötürmələri - VİDEO
13:49  Cerard "Liverpul"a qayıtdı
13:36  "Zirə"dən yeni transfer - FOTO
13:28  Həftənin ən gözəl qapıçı qurtarışları - VİDEO
13:14  Kollinaya FİFA-da yeni vəzifə verildi
13:10  Ulduz futbolçunun maşınına hücum etdilər
13:00  Həftənin ən gözəl qolları - VİDEO
12:53  FİFA-ya tarixi cəza
12:45  "Traktorsazi" də 20 Yanvarı unutmadı - FOTO
12:42  Hansı oyun, hansı kanalda? - TV AFİŞA
12:36  "Qəbələ" "Traktorsazi"ni darmadağın etdi - VİDEO
20 yanvar 2017
11:42  Azərbaycan Belarus millisinə qarşı
11:40  Çin klubundan Ardaya növbəti təklif
11:36  Fatih Terimi tənqid etdiyi üçün cəzalandı
11:30  Millimiz Səudiyyə Ərəbistanına yenildi
19 yanvar 2017
17:46  "Beşiktaş" futbolçusunu İngiltərə klubuna satdı
17:09  Hansı oyun, hansı kanalda? - TV AFİŞA
16:05  "CÜDO TV"nin beynəlxalq seminarla bağlı hazırladığı xüsusi veriliş - VİDEO
16:03  "Qoca sinyorlar"da 19 yaşlı futbolçu
15:55  Azərbaycanda keçiriləcək Avropa çempionatının təqvimi açıqlandı
14:42  Avropa çempionatının sonuncu loqosu da təqdim olundu
14:39  UEFA "Qarabağ" klubuna 980 min avro vəsait ayırdı
14:01  Milli komandada yeni baş məşqçi
13:29  Azərbaycanlı olimpiya çempionu hərbi xidmətdə - VİDEO
Bütün xəbərlər >>>


 TURİZM

Çində dünyada bənzəri olmayan otel tikilir



 MODA

2015-ci ilin rəngi

2013-cü ilin moda rəngi...
2013-cü ilin küçə modası...



 SAĞLAMLIQ

40 yaşından sonra gözəl görünməyin yolları




                                                                                                 

Ana səhifə | Olimpizm | Futbol | Güləş | Boks | Gimnastika | Voleybol | Şahmat | Cüdo | Atletika | Karate | Taekvondo | Digər növlər| e-mail

İdman Turizm Portalı © 2009-2010 Olimpiya.az. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.